Page 5 - yarsani kame_2

-Ti eşkenî derheqê etnîsîte û ziwanê yarsanan de tayê melumat bidî?

-Yarsanî hetê etnîsîteyî ra kurd ê. Helbet seke mi verê kî va, yarsanê ke
eslê xo kurd nîyî û bado bîyê bawermendê nê dînî kî estê. Hetê ziwanî ra
ziwanê yarsanan lehçeya hewramkî ya kurdkî ya. No ziwan tena ziwanê
qiseykerdişî ney, ney ra muhîmêr, seba ke ziwanê metnanê pîrozan o kî
wayîrê cayêde taybetî yo. Çike tecellîyê (zuhûrê) Heqî/Homayî, yanî pîlê
yarsanan, dînê xo bi nê ziwanî eşkera û vila kerdo.

Fotograf 4: Yarsanê kokimî pîya kelaman (dêsan-beytan) vanê

-Goreyê to yarsanî dînê kurdan o?

-Esasen ma eşkenîmê wina vajîme. No sîstemê bawerîye mîyanê kurdan
de vejîyayo. Ê yê ke bawermendê nê dînî yê, kurd ê û ney ra muhîmêr xo
sey kurdan vînenê û pênas (terîf) kenê. Goreyê mi tewr muhîm kî o yo ke

ziwanê metnanê înan ê pîrozan kurdkî ya.

5